ကဗျာစုလေးများ

“အမည်မဲ့ ပန်း”

နကိုကတည်းကမှ
နှင်းမှုံကြားမှာ မပွင့်နိုင်တဲ့ပန်း
စိတ်ကူးတွေနဲ့ လန်းခဲ့ရင်တောင်
လှမ်းခဲ့တဲ့ ခြေလှမ်းတိုင်းမှာ
အနမ်းပွင့်တွေကို ကိုယ်တိုင်ချွေနေခဲ့ရသူပါ ...။

လေဟာနယ်ဆိုတာ ဒြပ်တခုသာဆို
မွှေးပျံ့လာမယ့် ရနံ့တိုင်းမှာ
ဆောင်ကျဉ်းပေးမယ့် ဒြပ်တခုသာသာဟာ
အမည် မပါလာတဲ့ ပန်းတပွင့်စာရဲ့
တိုးလျှပါးလွှားတဲ့ ငိုရှိုက်သံ သဲ့သဲ့သာ ဖြစ်မယ်ဆိုတာ ...။

ညလင်းအိမ် (၁၀.၄.၂၀၁၀)

************************@@@*********************

“လမ်းခွဲမိုးတိမ်”

လမ်းခွဲခြင်းမှာ နှုတ်ဆတ်မှုတွေမပါသလို
မိုးတိမ်တွေလည်း မပြိုအက်ခဲ့ပါဘူး
သဘာဝဆန်ဆန်ပဲ ညနေခင်းတွေလည်း
သူ့တာဝန်နဲ့သူ လှပနေခဲ့တယ်။
ဒါပေမယ့် ...
တိတ်တဆိတ် ရှိုက်သံတချို့နဲ့
နှလုံးသား တဖက်လပ် ဖြစ်သွားတဲ့ ငါ ......
ရပ်နေဆဲပါပဲ ဒီနေရာလေးမှာ
လေထဲက အောက်ဆီဂျင်တွေ
အယောင်ယောင် အမှားမှားနဲ့မို့လား
ငါ ... တခဏသေသွားတယ် ...။
(ဘ၀ သေသွားသလိုပါပဲ)
ဒီလိုနဲ့ ...
စိတ္တဇ ဆန်ဆန် ဦးမော့ပစ်လိုက်တယ်
မိုးတိမ်ရေ ငါ့ကို ခေါ်ဆောင်ပေးပါ
အလွမ်းမပွင့်တဲ့ ရာသီတွေဆီသို့ ...။

ညလင်းအိမ် (၁၅.၄.၂၀၁၀)

************************@@@*********************

“လွဲ”

ပန်းတပွင့် မိုးပေါ်က ကြွေအလာ
လေအညှာ တချက်ခတ်မှာ
ရှောင်ဖယ်ကာ သွားလိုက်ပုံက
အလှမ်းမမှီတဲ့ပန်း ကြွေတာတောင် အကျလွဲတယ် ...။

နက္ခတ်တွေ ဖွက်တဲ့ ကောင်းကင်မှာ
မထင်မရှား ထိပ်ထားလေးက
အချစ်စကား ဆိုမှာစိုးလို့
တိမ်ညစ်တွေ ကာဆီးလိုက်ပုံက
စိတ်ကူးယဉ်အိပ်မက်တောင် စိတ်ကူးထဲ ပြန်ကျုံဝင်တယ် ...။

ဒီလိုပါပဲ ...
ဂြိုလ်တွေတောင် ဘယ်နေ့သေမှန်းမသိ
အသက်တွေလည်း ဘယ်ရွေ့ရှည်မှန်းမသိ
လျှောက်တဲ့ လမ်းတောင် မြေသားတွေ ပြိုကျမှာတော့
လွဲတယ်ဆိုတာ ပါးပါးလေးပါ ...။

ညလင်းအိမ် (၁၉.၄.၂၀၁၀)

************************@@@*********************

ဒီကဗျာလေးတွေက ကျွန်တော် ညလင်းအိမ် နာမည်နဲ့ ရေးထားခဲ့တဲ့ ကဗျာစုလေးတွေပါ။ မြက်ခင်းသစ်ဆိုတဲ့ ဆိုက်လေးမှာတော့ တင်ဖူးပါတယ်။ 

************************@@@*********************